У Нью-Ёрку зачынілася генконсульства Беларусі
Установа зачыненая па патрабаванню Вашынгтона / БЕЛТА
У Нью-Ёрку зачынілася генеральнае консульства Беларусі. Гэта рашэнне прадугледжана пастановай Саўміна № 590 ад 18 кастрычніка, якое апублікавана ў сераду.
МЗС Беларусі выказаў шкадаванне ў сувязі з патрабаваннем Вашынгтона зачыніць генконсульства ў Нью-Ёрку. Планавалася, што генконсульства спыніць працу 21 кастрычніка, але гэта адбылося на дзень раней.
Грамадзяне Беларусі, якія пражываюць на тэрыторыі консульскай акругі генконсульства, уключаючы Канаду, пасля закрыцця дыпустановы змогуць звяртацца ў амбасаду рэспублікі ў ЗША.
Як паведамляла Еўрарадыё, сенатары ЗША заклікалі ўрад узмацніць ціск на рэжым Аляксандра Лукашэнкі. Сенатары таксама выступілі за правядзенне новых прэзідэнцкіх і парламенцкіх выбараў у Беларусі.
