У Новакузнецку расіяне зляпілі "Джаконду" з прадуктаў імпартазамяшчэння (фота)
![У Новакузнецку расіяне зляпілі "Джаконду" з прадуктаў імпартазамяшчэння (фота)](/sites/default/files/styles/gallery_main/public/2023-08/monalisa-0110-1.jpg.webp?itok=_OBbKFED)
30 верасня ў рэстаране "Остэр Джузэпэ" ў расійскім Новакузнецку прайшла фуд-арт акцыя. Шэф-кухары і рэстаратары некалькіх гадзін стваралі копію знакамітага палатна "Джаконда" Леанарда да Вінчы з расійскіх прадуктаў. Матэрыяламі для стварэння карціны сталі краснадарскі рыс, спагецці, барнаульскія сыры, цяляціна і мідыі, піша agriculture.by.
Новакузнецкая "Джаконда" атрымалася ў сем разоў большай за арыгінал: 193 х 103 см. Важыла яна 25 кілаграмаў. Стваральнікі "ядомай Моны Лізы" адправілі заяўку на ўключэнне яе ў Кнігу рэкордаў Гінэса.
Паведамляецца, што сярод гасцей акцыі былі прадстаўнікі Траццякоўскай галерэі, вядомыя рэстаратары Кемерава, Новасібірска, Барнаула. Скончылася акцыя паяданнем гастранамічнай карціны.
Фота: a42.ru