У Навагрудку за грамадзянскую пазіцыю звальняюць дзвюх супрацоўніц музея

Галіна Кавальчук вядзе экскурсію для дзяцей / фота з сацсетак музея​
Галіна Кавальчук вядзе экскурсію для дзяцей / фота з сацсетак музея​

За сваю грамадзянскую пазіцыю без працы засталіся дзве супрацоўніцы Навагрудскага гісторыка-краязнаўчага музея. З Галінай Кавальчук і Тамарай Вяршыцкай не працягнулі кантракты, паведамляе "Белсат".

Кавальчук працавала ў музеі 22 гады. У 2019-м раённыя ўлады прызналі яе "найлепшым музейным работнікам".

Вяршыцкая — заснавальніца музея яўрэйскага супраціву ў Навагрудку, падтрымлівала кантакты са сваякамі Дональда Трампа. Кушнеры — продкі зяця Трампа — былі ў Навагрудскім гета і збеглі адтуль у лес да партызанаў. Сват Трампа Чарльз Кушнер неаднаразова бываў у Навагрудку і нават часткова прафінансаваў стварэнне мемарыяла "Сцяна памяці".

В Новогрудке за гражданскую позицию увольняют двух сотрудниц музея
"Сцяна памяці" ў Навагрудку / TUT.BY

У Кавальчук кантракт заканчваецца сёння, у Вяршыцкай — у пачатку красавіка. Абедзве жанчыны праводзілі ў нядзелі экскурсіі для жыхароў Навагрудка. Сярод іх слухачоў былі людзі, асуджаныя па арт. 23. 34 КаАп. У канцы студзеня Вяршыцкую забралі ў РАУС проста з экскурсіі, аднак потым адпусцілі.

Жыхары Навагрудка пачалі збор подпісаў у падтрымку супрацоўніц музея — просяць іх не звальняць. Аўтары звароту адзначаюць, што звальненне такіх дасведчаных супрацоўнікаў можа паралізаваць навуковую працу музея. Дакумент з подпісамі плануюць перадаць у Міністэрства культуры.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі