У Мінску з'явілася экскурсія "толькі для дарослых"
Экскурсія на завод пеністых вінаў / "Белдзяржхарчпрам"
Супрацоўнікі Мінскага завода пеністых вінаў пачалі арганізоўваць экскурсійныя туры па сваім прадпрыемстве, паведамляе прэс-служба "Белдзяржхарчпрама". Запісацца на такую экскурсію могуць толькі дарослыя.
"На радасць знаўцам вытанчаных напояў і аматарам займальных прыгод завод з вялікім задавальненнем аб'яўляе пра запуск пастаянных экскурсій на сваёй тэрыторыі. Гэта ўнікальная магчымасць даведацца сакрэты вытворчасці пеністых вінаў", — кажуць у канцэрне.
Экскурсантам абяцаюць займальнае падарожжа па вытворчасці з магчымасцю пагрузіцца ў працэс стварэння пеністых вінаў.
Пра ўмовы запісу на экскурсію можна даведацца на афіцыйным сайце прадпрыемства.
Экскурсія на завод пеністых вінаў / "Белдзяржхарчпрам"
Экскурсія на завод пеністых вінаў / "Белдзяржхарчпрам"
