Вы тут

У Мінску затрымалі сузаснавальніка WiFi Map Дзмітрыя Плашчынскага

Дзмітрый Плашчынскі

У спісе затрыманых з'явілася прозвішча праграміста Дзмітрыя Плашчынскага — сузаснавальніка і распрацоўшчыка WiFi Map. Ён грамадзянін Ізраіля.

У "пакаяльным" відэа, якое выпусціў прапагандысцкі тэлеграм-канал, ён прызнаўся, што быў падпісаны на "экстрэмісцкія" каналы, "удзельнічаў у размове з Антонам Матолькам", дасылаў фота на некаторыя ТГ-каналы.

Таксама Плашчынскі кажа, што ён мае паляўнічую зрою і дазвол на яе. 

Паведамляецца. што сёння адбудзецца суд над затрыманым праграмістам.

Як удакладняе dev.by, WiFi Map — гэта краўдсорсінгавая платформа, якая мае больш за 150 мільёнаў пароляў для WiFi-кропак доступу па ўсім свеце. Развіццём і прасоўваннем праграмы займаецца амерыканская кампанія WiFi Map LLC. У Мінску цэнтр распрацоўкі адчыніўся ў 2019 годзе. Саму ідэю WiFi Map прыдумалі і пачалі распрацоўваць беларусы, якія потым прапанавалі яе заснавальніку Kenlo Group Ігару Гольдэнбергу.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.