У Мінску затрымалі мужчыну, які накінуў удаўку на шыю помніка гарадавому

У Мінску затрымалі Вячаслава Касінерава, які накінуў удаўку на шыю нядаўна адкрытаму помніку гарадавому па вуліцы Гарадскі Вал. Праваабаронцы інфармуюць, што распачатая крымінальная справа.

У інтэрнэце з'явілася відэа пра гэтую акцыю. У ім адзначаецца, што яе правялі беларускія анархісты. Такім чынам яны выступілі "супраць міліцэйскіх рэпрэсій".

Касінераў раней праходзіў па "справе графіцістаў".