У Мінску ўлабавую сутыкнуліся "Газель" медслужбы і Hyundai (фота)
Гэта трэцяе за апошнія некалькі дзён ДТЗ на ўчастку вуліцы Чыгуначнай.
Як інфармуе onliner.by, у Мінску 6 лістапада сутыкнуліся Hyundai і "Газель" медслужбы. Першы аўтамабіль рухаўся з боку праспекта Жукава ў напрамку вуліцы Мініна. Кіроўца з невядомай прычыны выехаў на паласу сустрэчнага руху. Там легкавік сутыкнуўся з мікрааўтобусам медслужбы. Як кажа старшы інспектар аддзела агітацыі і прапаганды ДАІ Маскоўскага раёна Любоў Трапашка, хуткасць руху Hyundai была высокай.
Пацярпеў кіроўца "Газелі" — ён моцна стукнуўся галавой аб ветравую шыбу. Лекары паставілі яму папярэдні дыягназ "чэрапна-мазгавая траўма цяжкай ступені".
Фота — onliner.by
