У Мінску сёння раніцай мужчына выпаў з акна чацвёртага паверху
Ён быў шпіталізаваны з пераломам нагі. Мяркуецца, што пацярпелы меў намер скончыць жыццё самагубствам.
У Мінску мужчына выпаў з акна чацвёртага паверху. Здарэнне адбылося сёння пасля 5-й гадзіны раніцы на вуліцы Касманаўтаў у Маскоўскім раёне сталіцы.
Як інфармуе прэс-служба МНС, на месца спачатку прыехалі медыкі, аднак самастойна зняць пацярпелага з казырка пад'езда яны не змаглі. Тады выклікалі ратавальнікаў. Высветлілася, што ў мужчыны пералом правай нагі. Яго завезлі ў бальніцу хуткай меддапамогі.
Мяркуецца, што 28-гадовы мужчына спрабаваў скончыць жыццё самагубствам. Ён нідзе не працуе.
Фота: Fotolia