У Мінску сведкі ДТЗ даставалі з пабітага аўто пацярпелага кіроўцу (фота)
Сур’ёзнае дарожнае здарэнне адбылося ў сталічным мікрараёне Уручча. На перакрыжаванні вуліц Русіянава і Шугаева сутыкнуліся два легкавікі. У адной з машын заціснула мужчыну-кіроўцу. На месца здарэння выехалі МНС і хуткая, аднак дапамога выратавальнікаў не спатрэбілася, бо сведкі здарэння самі дасталі з салона пацярпелага.
Як паведамляе Onliner.by са спасылкай на сведкаў здарэння, кіроўца быў у неадэкватным стане.
У МНС пацвердзілі факт аварыі і паведамілі, што ў выніку ДТЗ сама меней адзін мужчына атрымаў траўмы і быў дастаўлены ў лякарню. Меддапамога спатрэбілася яшчэ двух людзям.
Фота: odas.by