У Мінску суд апраўдаў грамадзяніна Ізраіля, якога Беларусі выдала Германія
![У Мінску суд апраўдаў грамадзяніна Ізраіля, якога Беларусі выдала Германія](/sites/default/files/styles/gallery_main/public/2023-08/alan_levit_20191118_shuk_tutby_phsl_5635.jpg.webp?itok=z7XsBYFf)
Мінскі гарадскі суд у панядзелак апраўдаў грамадзяніна Ізраіля, якога Беларусі выдала Германія. Алана Левіта вінавацілі ў забойстве 25-гадовай даўніны. У 1993-м адбылося жорсткае забойства бізнесмена. Вінаватай спачатку прызналі знаёмую Левіта (у яго і бізнесмена з ёй быў раман). Жанчына свой 8-гадовы тэрмін зняволення адсядзела, у судзе была ў якасці сведкі. Алан Левіт заявіў, што былая каханка агаварыла яго, каб выгарадзіць сапраўдных злачынцаў, інфармуе TUT.by.
Пракурор прасіў прысудзіць ізраільцяніна да 14 гадоў калоніі. А ў выніку справу па факце забойства бізнесмена накіравалі на новае расследаванне, абвінавачанага вызвалілі ў зале суда.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.