У Мінску шукаюць 9-гадовага хлопчыка
Андрэй Шарамецьеў знік у другой палове дня 22 красавіка.
У Мінску міліцыя і валанцёры шукаюць дзевяцігадовага Андрэя Шарамецьева. Як паведамляецца на старонцы пошукава-выратавальнага атрада "Анёл", 22 красавік каля 16-й гадзіны хлопчык сышоў пасля ўрокаў са школы №137 на вуліцы Каліноўскага, але дадому не з'явіўся. Сам хлопчык пражывае на вуліцы Парніковай.
Прыкметы хлопчыка: на выгляд 8-10 гадоў, рост 130-135 см, хударлявага целаскладу, валасы светла-русыя, кароткія, вочы блакітныя.
Андрэй быў апрануты ў шэрую трыкатажную шапку з блакітнай палоскай, сінюю куртку з каптуром, шэры пінжак з чорнымі штрыфлямі, шэрыя нагавіцы, чорныя чаравікі.
Пры сабе школьнік меў чорны партфель з чырвонымі ўстаўкамі, сіні мех з малюнкам і прыладамі для басейна.
Інфармацыю пра хлопчыка просяць паведамляць па тэлефонах (+375 33) 666-68-56, (+375 33) 666-60-33 альбо ў міліцыю па тэлефоне 102.
