У Мінску прэзентуюць кнігу "Жыццё пасля раку"
Падчас прэзентацыі адбудзецца канцэрт з удзелам гуртоў NAVI, RECHA і RAHIS. Уваход вольны.
У кнігу "Жыццё пасля раку" ўвайшлі гісторыі 22 людзей, якія перамаглі рак. Адначасова з прэзентацыяй кнігі адбудзецца прэзентацыя сацыяльнага праекта ПеРАКможам.
Прэзентацыя адбудзецца 20 кастрычніка а 19-й у малой зале к/з "Мінск". На імпрэзе выступяць героі кнігі, якая выйшла ў серыі "Бібліятэка Свабоды".
Сярод герояў кнігі — музыка, банкір, клоўн, палітычны актывіст, тэатральны крытык, настаўніца англійскай мовы, святар, пенсіянер. Ідэя праекту "Жыццё пасля раку" належыць журналістцы Ганне Соўсь.
