У Мінску ад удару токам дома загінуў сямікласнік
У Мінску ад удару токам дома загінуў сямікласнік. Як паведамляе TUT.by, яго бацькі паехалі на лецішча, а калі ўвечары вярнуліся, знайшлі сына мёртвым. У школе, дзе вучыўся хлопчык, пацвердзілі факт яго гібелі.
СК паведамляе, што трагічнае здарэнне адбылося ўвечары 20 траўня. Калі бацькі вярнуліся дахаты ў 22:30, яны ўбачылі цела сына без прыкмет жыцця. "Левая рука дзіцяці знаходзілася на радыятары ацяплення, а левая нага датыкалася з электрычнай духавай шафай", — гаворыцца ў паведамленні. Бацькі спрабавалі рэанімаваць хлопчыка, выклікалі хуткую. Папярэдняя прычына смерці — электратраўма. Не выключана, што духавая шафа была няправільна падключана.
Загінуламу школьніку было 13 гадоў.
