У Мінскім раёне мяса захоўвалі разам з будаўнічымі матэрыяламі
На прадпрыемстве змаглі здзівіць кантралёраў / t.me/kgk_oficial/
У Мінскім раёне мяса захоўвалі разам з... будаўнічымі матэрыяламі. Па выніках праверкі, якая выявіла "грубыя парушэнні ветэрынарна-санітарных правілаў, якія ўяўляюць пагрозу бяспецы жыцця і здароўю грамадзян", прыпыненая дзейнасць прыватнага мясаперапрацоўчага прадпрыемства, паведамляе Камітэт дзяржкантролю.
Найбольш кантралёраў здзівіла з пабачанага на тэрыторыі прадпрыемства захоўванне ў рэфрыжэратары "мясной сыравіны" сумесна з вапнай, фарбай і іншымі падобнымі матэрыяламі. А яшчэ яны знайшлі "мясную сыравіну невядомага паходжання". Агулам "падлягае ўтылізацыі больш за 800 кг сыравіны".
