У мінскім аэрапорце затрымалі дзяўчыну, якая вярталася з адпачынку ў Егіпце
![Нацыянальны аэрапорт Мінск / Еўрарадыё](/sites/default/files/styles/gallery_main/public/2023-08/aeraport-0603-1.jpg.webp?itok=l_eQfZjJ)
Нацыянальны аэрапорт Мінск / Еўрарадыё
У Нацыянальным аэрапорце Мінск сілавікі правяралі тэлефоны ў беларусаў, якія вярталіся з-за мяжы. Адну пасажырку, якая вярталася з адпачынку ў Егіпце, затрымалі, піша "Медыязона".
Яе хлопцу сілавікі сказалі, што забіраюць дзяўчыну "на пагаварыць". Пазней высветлілася, што на гугл-дыску ў яе тэлефоне знайшлі фатаздымкі з жаночых маршаў, таму яе пакінулі ў міліцыі да раніцы.
Вядома, што ў 2020 годзе беларуску затрымлівалі падчас пратэстаў. Тады яе аштрафавалі паводле артыкула 23.34 КаАП.
Знаёмы затрыманай дзяўчыны кажа, што перад вылетам яна выдаліла Telegram. Аднак пасля праходжання мяжы ёй напісаў сябар, і гэтае паведамленне аказалася прачытанае.
Дзе цяпер знаходзіцца затрыманая дзяўчына і ў якім яна статусе, невядома.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.