У Маскве заявілі, што аднавіліся махлярскія схемы паставак малака з Беларусі
![У Маскве заявілі, што аднавіліся махлярскія схемы паставак малака з Беларусі](/sites/default/files/styles/gallery_main/public/2023-08/03e.jpg.webp?itok=CEM9WLif)
2 лістапада Рассельгаснагляд заявіў пра аднаўленне махлярскіх схемаў паставак у Расію малочнай прадукцыі з Беларусі. Гэтае ведамства абапіраецца на аператыўную інфармацыю, якую атрымала ФСБ. Паведамляецца, што напярэдадні на Смаленшчыне быў затрыманы грузавік з сухой малочнай прадукцыяй. ФСБ перадало груз Рассельгаснагляду. Высветлілася, што на крафт-мяхах зафіксаваны зрыў маркіровачных этыкетак Капыльскага філіяла Слуцкага сыраробнага камбіната. Замест іх часткова былі нанесены этыкеткі беларускага прадпрыемства “Здравушка-мілк”. Там жа ў грузавіку расіяне знайшлі прамысловыя рулоны-стужкі з такімі этыкеткамі.
Падкрэсліваецца, што якраз на пастаўкі прадукцыі з Капыля раней было накладзенае часовае абмежаванне. Цяпер жа, перакананыя ў Рассельгаснаглядзе, у Расію везлі якраз яго сухое малако. Пры гэтым на груз ёсць ветэрынарны сертыфікат. У Маскве робяць выснову, што па-ранейшаму адсутнічае сістэма кантроля за пастаўкамі жывёлагадоўчай прадукцыі, якую вязуць у Расійскую Федэрацыю з Мінскай вобласці Беларусі.