Вы тут

У Маскве затрымлівалі расіяніна, які ў Беларусі ўдзельнічаў у пратэстах

Дзяніс Зорын

У Маскве затрымлівалі расіяніна, які ў Беларусі ўдзельнічаў у пратэстах. Пра гэта паведамляюць праваабаронцы.

Дзяніс Зорын — грамадзянін Расіі, але мае часовую прапіску ў нашай краіне. Жыў у Верхнядзвінску Віцебскай вобласці.

На яго надзелі кайданкі 22 студзеня ў маскоўскім метро. Мужчыну сказалі, што ён шукаецца федэральнымі ўладамі. Потым яго адвезлі ў Следчы камітэт у Цвер, але пасля выпусцілі на волю.

29 снежня 2020 года ў Дзяніса прайшоў ператрус у Верхнядзвінску. Пазней яго затрымалі на трое сутак у межах крымінальнай справы за ягоную пасаду ў сацсетках пра сілавікоў. 9 сакавіка 2021 года ён паехаў у Расію. Але крымінальная справа супраць яго ў Беларусі не закрытая.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.