У Маскве і Пецярбургу праходзяць жаночыя акцыі салідарнасці з Юліяй Навальнай
Падчас акцыі салідарнасці ў Маскве да ўдзельніц падыходзілі правакатары. Абыйшлося без затрыманняў.
У Маскве і Санкт-Пецярбургу адбываецца жаночая акцыя салідарнасці з Юліяй Навальнай і жанчынамі-палітвязнямі, паведамляе "Новая газета". Па ацэнках журналістаў, у Маскве на акцыю выйшла некалькі соцень чалавек.
Дзяўчыны сталі ў ланцуг салідарнасці, у руках яны трымаюць белую стужку. Іх лозунг: "Каханне мацнейшае за страх!".
У Пецярбургу ўдзельніцы ланцуга салідарнасці прынеслі кветкі да помніка ахвяраў палітычных рэпрэсій і пачалі разыходзіцца. Па апошніх звестках, затрыманых сярод удзельнікаў акцыі няма.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.