Вы тут

У Малдове затрымалі жанчыну, якую ў Беларусі шукаюць за камп'ютарны шпіянаж

Фота: politiadefrontiera.ro

У Малдове затрымалі жанчыну, якую ў Беларусі шукаюць за камп'ютарны шпіянаж. 29-гадовая малдаванка Стэла спрабавала выехаць на аўтробусе ў Румынію, але яе прозвішча аказалася ў базе Інтэрпола. Улады нашай краіны падалі яе ў міжнародны вышук яшчэ 25 чэрвеня 2013 года. У выніку супрацоўнікі пункта памежнага кантролю Албіца перадала затрыманую аператыўнікам Службы крымінальных раследаванняў паліцыі, інфармуе zdg.md.

Найхутчэй жанчына праходзіць па групавой справе аб крадзяжы з банкаўскіх картак у Мінску і Гомелі. Група грамадзян Малдовы ўстанаўлівала скімеры на банкаматы. Пацярпелымі прызналі больш за 2,5 тысячы чалавек. Затрымаць тады ўдалося толькі аднаго зламысніка.