У Магілёве вынеслі прысуд жанчыне, якая вясной скінула з балкона дачку
![На месцы здарэння](/sites/default/files/styles/gallery_main/public/2023-10/mogilev_12_10.jpg.webp?itok=aNhwRIPS)
На месцы здарэння / sk.gov.by
9 гадоў калоніі прысудзілі жыхарцы Магілёва, якая вясной скінула ў балкона нованароджаную дачку. Пра гэта паведамляе пракуратура. Жанчыну абвінавачвалі ў замаху на забойства дзіцяці з асаблівай жорсткасцю.
Дзяўчынка выжыла. Яе на брылі дома заўважыла суседка, выклікала міліцыю. Дзіця з пераахаладжэннем забралі бальніцу.
Маці 34 гады. У судзе жанчына спрабавала пераканаць суд, што не хацела забіваць дзіця. У яе ёсць яшчэ трое малалетніх дзяцей і муж. Апошнюю цяжарнасць ад яго яна ўтаіла, таму што, па яе словах, муж захацеў бы пакінуць дзіця. У выніку яна нарадзіла дзяўчынку. У судзе жанчына казала, што планавала адвезці дзіця ў бальніцу і там пакінуць, а за акно дзіцяці выставіла, каб дзяўчынка плачам не пабудзіла родных. Суд палічыў яе версію непераканаўчай, жанчыну прызналі вінаватай. Яна таксама павінна выплаціць 10 тысяч рублёў кампенсацыі маральнай шкоды.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.