У Магілёве прайшло свята піва (фота)
Мерапрыемства не адрознівалася ад тых, што ладзяць 9 траўня або 3 ліпеня.
6 чэрвеня ў Магілёве ўпершыню прайшло свята піва. Мерапрыемства адбылося каля Палаца культуры вобласці і сабрало некалькі тысячаў магілёўцаў.
На пачатку свята гараджане дэгуставалі піва адной з марак бясплатна. Каля дзяўчат, якія раздавалі піва, працаваў вядоўца. Прысутных весялілі жартамі, гучала музыка.
Аднак само мерапрыемства не адрознівалася ад тых, што ладзяць 9 траўня або 3 ліпеня. Палаткі былі запоўненыя шашлыком, піражкамі, гароднінай і півам айчыннай вытворчасці. Напоі з іншых краін не прадаваліся.