Вы тут

У Магілёве Porsche Cayenne не падзяліў дарогу з аўтазакам

@pressmvd

У Магілёве аўтамабіль для канваявання маркі МАЗ сутыкнуўся з легкавіком. Як паведамляе ў сваім Тэлеграм-канале прэс-сакратар МУС Вольга Чамаданава, дарожнае здарэнне адбылося сёння ўначы каля 0:40.

За рулём Porsche Cayenne знаходзіўся 27-гадовы магілеўчанін. Ён рухаўся другаснай дарогай і не прапусціў грузавік, што і стала прычынай ДТЗ.

У выніку аварыі МАЗ перакуліўся, абодва аўтамабілі пашкоджаныя. Ніхто з людзей не пацярпеў, кіроўцы былі цвярозыя.

Магілёўская абласная ДАІ праводзіць праверку па факце гэтага здарэння.