У Магілёве амапаўцы затрымалі пратэстанцкага прапаведніка Сяргея Удальёва
Сяргей Удальёў / З архіва Еўрарадыё
У Магілёве амапаўцы затрымалі пратэстанцкага прапаведніка Сяргея Удальёва. Здарылася гэта ў аўторак каля лядовага палаца. Як кажуць сведкі, сілавікі выскачылі з "цёмнай машыны з затаніраванымі вокнамі", проста вырвалі мужчыну з яго аўтамабіля і брутальна ўціснулі ў зямлю. У міліцыю Удальёва не павезлі, машына "згубілася" на Піянерскай вуліцы, дзе знаходзіцца Магілёўскае абласное ўпраўленне КДБ, піша @MAYDAYMog.
Мяркуецца, што затрыманне Сяргея Удальёва відавочна звязана з палітыкай — тры месяцы таму з ім не працягнулі на працы кантракт "з-за недастатковай лаяльнасці".
Два гады таму пастар Евангелічна-рэфармацкай царквы “Кальвінісцкі збор” Сяргей Удальёў быў госцем праграмы “Ідэя Х” Еўрарадыё.
