У Літве затрымалі дальнабойшчыка з Беларусі з фальшывымі правамі кіроўцы
Падробленыя правы кіроўцы / vsat.lrv.lt
У Літве затрымалі дальнабойшчыка з Беларусі з фальшывымі правамі кіроўцы. 34-гадовы мужчына заявіў, што атрымаў іх у Расіі, дзе вучыўся і працаваў.
Як піша vsat.lrv.lt, здарэнне адбылося ў пункце пропуску "Лаварышкес" (з беларускага боку — "Катлоўка"). Беларус спрабаваў уехаць у Літву, дзе ён мае часовы від на жыхарства і працуе дальнабойшчыкам. Аднак да яго пасведчання кіроўцы ўзніклі пытанні. Высветлілася, што яно надрукавана на прынтары.
Грамадзянін Беларусі арыштаваны на месяц, яму пагражае да чатырох гадоў зняволення.
Некалькі гадоў таму ў Польшчы затрымалі дальнабойшчыка з Беларусі з фальшывымі польскімі правамі кіроўцы. Мужчына прызнаўся, што купіў іх.
