У Літве не кажуць, ці быў ліст пра бомбу: Каб не перашкодзіць ходу расследавання
![У Літве не кажуць, ці быў ліст пра бомбу: Каб не перашкодзіць ходу расследавання](/sites/default/files/styles/gallery_main/public/2023-08/2021-05-26t161458z_511901386_rc2snn9ny9p2_rtrmadp_3_belarus-politics-aviation-safety.jpg.webp?itok=zZTfe3wn)
Генпракуратура Літвы адмовілася распавесці Еўрарадыё, ці атрымліваў аэрапорт Вільні паведамленне пра мініраванне борта Ryanair, пасаджанага ў Мінску 23 траўня. "Гэтая інфармацыя не можа быць прадастаўленая, каб не перашкодзіць ходу расследавання", — сказана ў адказе.
Пра тое, што паведамленні пра бомбу адначасова атрымалі тры аэрапорты (Афіны, Вільня і Мінск), заявіў 26 траўня Аляксандр Лукашэнка. Аэрапорт Афінаў ужо абверг гэтую інфармацыю.
Таксама з адказу Генпракуратуры вынікае, што Літва расследуе інцыдэнт. А гэта абвяргае яшчэ адну ўчорашнюю заяву Лукашэнкі — пра тое, што на Захадзе адмовіліся ад расследавання сітуацыі з пасадкай "боінга".
Дарэчы, у сераду ў Польшчы і ва Украіне абверглі словы Аляксандра Лукашэнкі пра тое, што іх аэрапорты адмовілі ў пасадцы пілотам Ryanair.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.