У Лідскім раёне юнак-пасажыр збіў таксіста каменем
![У Лідскім раёне юнак-пасажыр збіў таксіста каменем](/sites/default/files/styles/gallery_main/public/2023-08/458128041ria600.jpg.webp?itok=coJdEU82)
У Лідскім раёне пасажыр збіў таксіста каменем. Здарэнне адбылося пасля 5-й гадзіны раніцы ў вёсцы Гуды. Таксіст падвозіў невядомага, які раптоўна напаў на яго, збіў і завалодаў аўтамабілем "Рэно". Таксама зламыснік забраў 2 тысячы расійскіх рублёў, 40 долараў і з'ехаў, інфармуе прэс-служба МУС.
Пацярпелы звярнуўся ў Лідскі РАУС. Высветлілася, што злачынства ўчыніў 16-гадовы жыхар вёскі Агароднікі, які быў у стане алкагольнага ап'янення. Яго затрымалі. Легкавік знайшлі ў Лідзе, вярнулі і скрадзеныя грошы.
Фота: ria.ru