У Ізраіль прывезлі вызваленых закладнікаў — 9 жанчын і 4 дзяцей
Вызваленыя закладнікі / AFP via Getty Images
У Ізраіль праз Егіпет прывезлі вызваленых закладнікаў — 9 жанчын і 4 дзяцей. Тэрарысты ХАМАС захапілі іх 7 кастрычніка і ўтрымлівалі ў сектары Газа. Вызваленне адбылося пасля прыпынення агню ў выніку заключанай здзелкі паміж Ізраілем і ХАМАС.
Вызваленыя прайшлі першасны медагляд. Іх сем'і ўжо ведаюць пра іх вызваленне. Дзецям ад 2 да 9 гадоў, жанчынам — ад 34 да 85 гадоў.
Таксама ХАМАС вызваліў 11 замежнікаў. Ізраіль вызваліў з турмаў 39 палесцінскіх зняволеных.
