У Гродне жанчына нарадзіла на сваім працоўным месцы ў гандлёвым цэнтры
![У Гродне жанчына нарадзіла на сваім працоўным месцы ў гандлёвым цэнтры](/sites/default/files/styles/gallery_main/public/2023-08/baby-821625_960_720.jpg.webp?itok=reLWZDkd)
У Гродне 39-гадовая жанчына нарадзіла на сваім працоўным месцы ў гандлёвым цэнтры "Ветразь". На працы пра яе цяжарнасць амаль ніхто не ведаў. Як піша hrodna.life, адбылося гэта 7 чэрвеня. Жанчына працуе ў гандлёвым цэнтры прыбіральшчыцай. Пакуль ехала "хуткая", яна здолела самастойна нарадзіць пры дапамозе калег — прыбіральшчыцы і адміністратара. Медыкі адвезлі маці і дзіця ў бальніцу. Хлопчык здаровы, але часова дыхае праз кіслародную маску.
Гэта шостае дзіця ў гродзенкі і першае датэрміновае — яна нарадзіла на восьмым месяцы цяжарнасці. Бацька назваў хлопчыка Мікітам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.