У Гродне завялі крымінальную справу за наезд некіраванага грузавіка на пешаходаў
![У Гродне завялі крымінальную справу за наезд некіраванага грузавіка на пешаходаў](/sites/default/files/styles/gallery_main/public/2023-08/hruz_3.jpg.webp?itok=89ITcdyr)
У Гродне завялі крымінальную справу па факце наезду некіраванага грузавіка на пешаходаў. Як паведамляе БЕЛТА са спасылкай на Следчы камітэт, напярэдадні, 4 траўня ў 13:40 грузавая фура “Рэно Магнум” з паўпрычэпам зрушыла з месца, пакацілася на прыпынак на вуліцы Санаторнай і збіла дзвюх жанчын. Пацярпелыя трапілі ў лякарню.
Распачатая справа паводле ч.2 арт. 317 (парушэнне правілаў дарожнага руху або эксплуатацыі транспартнага сродку, якое пацягнула за сабой па неасцярожнасці нанясенне цяжкіх цялесных пашкоджанняў).
Падазраваны — 51-гадовы кіроўца. У момант здарэння яго ў кабіне фуры не было.