У Гродне затрымалі прадпрымальніка Антона Янкоўскага
Антон Янкоўскі / Facebook
У Гродне затрымалі індывідуальнага прадпрымальніка Антона Янкоўскага, піша @viasna96. На відэа сілавікоў ён кажа, што затрыманы за "распаўсюд экстрэмісцкіх матэрыялаў у сацыяльнай сетцы".
Традыцыйна сцвярджаецца, што пры даглядзе мабільнага тэлефона быў знойдзены факт "рэгістрацыі" ў "плане Перамога". Сам Янкоўскі на відэа кажа, што ніякіх дзеянняў звязаных з ім не здзяйсняў.
Вядома, што мужчына працуе ў студыі распрацоўкі настольных гульняў "Кубік".
