У Гродне за каментары затрымалі сузаснавальніка фірмы па маршрутных перавозках
Ігар Соладаў / t.me/Grodno_grab/
У Гродне за каментары ў тг-каналах затрымалі сузаснавальніка фірмы па гарадскіх маршрутных перавозках Ігара Соладава. На відэа сілавікоў ён кажа, што выказаўся пра беларускіх і расійскіх вайскоўцаў. З скрыншотаў, зробленых сілавікамі, вынікае, што мужчына быў абураны агрэсіяй РФ супраць Украіны і тым, што Беларусь дапамагае расіянам.
Сілавікі ў каментары да відэа прызнаюць, што затрымалі паспяховага прадпрымальніка. Яны ўсяляк яго абражаюць. У затрыманні Соладава ўдзельнічалі амапаўцы.
