У Гродне ў рэанімацыі памерла школьніца, якую пераехаў грузавік
Трагічнае здарэнне адбылося ў чацвер удзень каля бальніцы хуткай дапамогі.
Як паведамляла Еўрарадыё, дзяўчынка, паводле слоў сведак, пераходзіла вуліцу на міргаючае зялёнае святло. У гэты момант кіроўца грузавіка "КаМАЗ" з прычэпам, не зніжаючы хуткасці, паварочваў на гэтую вуліцу. Спачатку дзяўчынку ўдарыла бамперам, а пасля 15-тонная машына трыма коламі яе пераехала.
За жыццё дзяўчынкі змагаліся лекары. Але траўмы былі вельмі цяжкія, і яна памерла, паведамляе БЕЛТА.
Фота — gaigrodno.by