У Гродне ў Нёмане патанулі двое мужчын
![У Гродне ў Нёмане патанулі двое мужчын](/sites/default/files/styles/gallery_main/public/2023-08/grodna-krayavidy-1899-1289897920_b1._the_river_neman_in_city_line._belarus._2.jpg.webp?itok=n0S-YjhJ)
У Гродне ў Нёмане патанулі двое мужчын. Трагічныя здарэнні адбыліся 28-29 траўня.
Як інфармуе БЕЛТА, у суботу 34-гадовы мужчына вырашыў пакупацца ў забароненым месцы ў раёне лесапарку Румлёва, дзе ён адпачываў з сям'ёй. Моцная плынь падхапіла яго і неўзабаве мужчына апынуўся пад вадой. Ратавальнікі знайшлі цела на дне, аднак выратаваць гродзенца, нягледзячы на праведзеныя рэанімацыйныя мерапрыемствы, не ўдалося.
У нядзелю адбылося падобнае здарэнне. 80-гадовы грамадзянін Расіі вырашыў пакупацца ў раёне лесапарку Пышкі. Ён заплыў на сярэдзіну Нёмана, дзе яго падхапіла моцная плынь і мужчына хутка апынуўся пад вадой. Пошукі яго цела працягваюцца.