У Гродне ў краме на жанчыну звалілася частка столі
![У Гродне ў краме на жанчыну звалілася частка столі](/sites/default/files/styles/gallery_main/public/2023-08/000024_275703_big.jpg.webp?itok=Uhj3dN8a)
У Гродне ў адной з крамаў па вуліцы Вольгі Соламавай на 64-гадовую жанчыну звалілася частка падвеснай столі. Гэта быў даволі вялікі кавалак пластыка. У пенсіянеркі дыягнаставаная тупая траўма левага вока, інфармуе прэс-служба міліцыі Гродзенскай вобласці.
Высветлілася, што ў той час у краме праводзіліся работы па перацяжцы кабеля праз столь. Гэта і стала прычынай здарэння. У адносінах тэхніка, які праводзіў работы, распачалі крымінальную справу. Артыкул — "Прычыненне цяжкага або менш цяжкага цялеснага пашкоджання па неасцярожнасці".
![У Гродне ў краме на жанчыну звалілася частка столі](/sites/default/files/paragraphs/image/mqqiwdcvvmo.jpg)
Фота: uvd.grodno.by