У Гродне ліквідуюць аб'яднанне раварыстаў
У Гродне па ініцыятыве ўпраўлення юстыцыі аблвыканкама пададзеныя ў суд дакументы на ліквідацыю аб'яднання раварыстаў "ВелоГродно". Пра гэта сама арганізацыя напісала ў Фэйсбуку.
"Афіцыйна — парушэнні і памылкі ў дакументаабарачэнні на тры старонкі і некалькі іншых пунктаў. Першая сустрэча ў судзе адбудзецца ў канцы месяца", — удакладнілі раварысты фармальную прычыну ліквідацыі.
Актыўная "зачыстка" НДА ідзе ў Беларусі ўжо другі месяц. Акрамя праваабарончых і адукацыйных арганізацыяў пад яе трапілі нават "экзатычныя" — кшталту аб'яднання бортнікаў.
