У Гродне 2-х дзяўчат узялі пад варту ў каледжы за падпал чырвона-зялёнага сцяга
![Рукі дзяўчат былі ў кайданках](/sites/default/files/styles/gallery_main/public/2024-04/kajdanki3.jpg.webp?itok=SUGHs2uC)
Рукі дзяўчат былі ў кайданках / ctv.by
У Гродне двух дзяўчат паказальна ўзялі пад варту ў каледжы ў прысутнасці яго навучэнцаў за падпал чырвона-зялёнага сцяга на адміністрацыйным будынку. Да суда яны будуць знаходзіцца за кратамі. Адна з дзяўчат — навучэнка каледжа, іншая — беспрацоўная, паведамляе тэлеканал СТБ. На відэа відаць, што рукі іх былі ў кайданках.
"Мэтай дадзенага мерапрыемства з'яўляецца паказаць супрацьпраўнасць гэтых дзеянняў. І падкрэсліць, што сілавыя структуры будуць заўсёды стаяць на варце, на абароне нашых дзяржаўных сімвалаў", — кажа намеснік начальніка Ленінскага РАУС Гродна Дзмітрый Шкадаў. Міліцыянеры правялі "гутарку" з навучэнцамі каледжа, папярэдзілі, каб яны і не думалі нават удзельнічаць у пратэсных акцыях.
Напярэдадні Следчы камітэт паведаміў пра затрыманне дзяўчат ва ўзросце 22 і 23 гадоў. Супраць іх распачалі крымінальную справу за "здзек з дзяржаўных сімвалаў".
Падобныя справы распачынаюць па ўсёй Беларусі. Сілавікі не могуць патлумачыць, чаму беларусы выяўляюць агрэсію да чырвона-зялёных сцягоў.
![У Гродне 2-х дзяўчат узялі пад варту ў каледжы за падпал чырвона-зялёнага сцяга](/sites/default/files/styles/default_image_paragraph/public/paragraphs/image/Kajdanki2.jpg.webp?itok=CkHU86VE)
![У Гродне 2-х дзяўчат узялі пад варту ў каледжы за падпал чырвона-зялёнага сцяга](/sites/default/files/styles/default_image_paragraph/public/paragraphs/image/Kajdanki.jpg.webp?itok=5wzkctSt)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.