У гомельскім СІЗА 1 верасня адчынілі навучальны клас
1 верасня навучальны клас адчынілі ў гомельскім СІЗА. Як піша "Гомельская праўда", вучыцца там будуць непаўналетнія, якія знаходзяцца пад следствам.
Адчыніць такі клас дапамаглі абласная арганізацыя Беларускага Чырвонага Крыжа разам з Гомельскай епархіяй.
Навучаць дзяцей будуць выкладчыкі з гомельскай СШ №27. Клас мае неабходную мэблю, дошку і тэлевізар для прэзентацый.
У Беларускім Чырвоным Крыжы кажуць, што кожнаму непаўналетняму ўручылі неабходныя школьныя прыналежнасці і канцтавары.
