У Гарадзеі з-за ўзгарання дзіцячага электрамабіля эвакуявалі жыхароў інтэрната
У Гарадзеі з-за ўзгарання дзіцячага электрычнага аўтамабіля эвакуявалі жыхароў інтэрната — спрацавала аўтаматычная пажарная сігналізацыя. Ніхто з людзей не пацярпеў, усе яны самастойна выйшлі з будынка.
Як паведамляе прэс-служба МНС Мінскай вобласці, здарэнне адбылося ў аўторак каля 17-й гадзіны ў інтэрнаце прадпрыемства "Нясвіжскае ЖКГ". У памяшканні на першым паверсе гарэлі дзіцячыя цацкі. Узгаранне хутка ліквідавалі. Мяркуецца, што адбылося кароткае замыканне электраправодкі ў дзіцячым электрамабілі.
