У электрычках абсталёўваюць месцы для правозу ровараў
У электрычках і дызель-цягніках абсталёўваюць месцы для правозу ровараў, паведамляецца на сайце Беларускай чыгункі.
Эксперымент з месцамі для правозу ровараў праходзіць у электрацягніку ЭР9 і дызель-цягніку ДР1А — у галаўных вагонах (для трох ровараў у кожным вагоне). Канструкцыі выпрабоўваюць на трываласць мацавання. Потым такімм месцамі для ровараў плануюць абсталяваць усе электрычкі і дызель-цягнікі.
Як піша tut.by, цяпер канструкцыя тэстуецца на лініі Мінск — Гудагай.
Ровары цяпер перавозяць згодна з правіламі перавозкі ручной паклажы. Калі габарыты ровара перавышаюць 200 сантыметраў, то на яго трэба набываць дадатковы квіток. Калі ж ровар складзены і ўпісваецца ў гэтыя габарыты, дык яго можна правозіць бясплатна.
