У Дзярждуме Расіі на 100-рублёвай купюры знайшлі... парнаграфію (фота)
На думку дэпутата Рамана Худзякова, выява на банкноце скульптуры Апалона супярэчыць закону "Аб абароне дзяцей ад шкоднай інфармацыі".
Як піша газета "Известия", адпаведны ліст намеснік старшыні камітэта Дзярждумы па рэгіянальнай палітыцы ўжо накіраваў кіраўніцы Банка Расіі Эльвіры Набіулінай. У ім адзначаецца, што на банкноце можна пабачыць "інтымныя часткі цела фігуры" Апалона на даху Вялікага тэатра ў Маскве. Таму, у адпаведнасці з законам, купюра павінна мець маркіроўку... "18+".
Раман Худзякоў прапануе выхад з сітуацыі. Каб дзеці не трымалі больш у руках банкноту з Апалонам, трэба памяняць на ёй выяву — на славутасці Севастопаля. Эксперты кажуць, што, сапраўды, 100-рулёвую купюру можна лічыць "інфармацыяй парнаграфічнага характару", аднак прымусіць Цэнтрабанк на нейкія змены будзе цяжка, паколькі гэта запатрабуе немалых выдаткаў.
Фота — izvestia.ru, Коммерсант