"У дзяцей дрэнны апетыт". Загадчыцу склада дзіцячага летніка злавілі на крадзяжы

"У дзяцей дрэнны апетыт". Загадчыцу склада дзіцячага летніка злавілі на крадзяжы

Супрацоўнікі УУС Мінскага аблвыканкама зладзілі рэйд па дзіцячых летніках вобласці. За першыя два дні яны выявілі чатыры факты крадзяжоў прадуктаў з летнікаў. Ва ўсіх выпадках фігурантамі былі работнікі харчблокаў, паведамляе прэс-служба мінскай абласной міліцыі.

На Валожыншчыне затрымалі кухонную рабочую. У жанчыны знайшлі цэлы набор прадуктаў з дзіцячай сталовай — мяса, свежамарожаны хек, восем слоікаў кансерваванага гарошку, разынкі, свежыя гародніна і садавіна. Міліцыянтам яна прызналася, што пайшла на працу, маючы на мэце магчымасць узбагаціць уласны халадзільнік. Жанчына дадала, што нічога страшнага не адбылося, бо дзецям усё адно хапае...

У Маладзечанскім раёне міліцыянты затрымалі загадчыцу склада аднаго з летнікаў. Жанчыну заспелі з торбамі ў руках. Там быў цэлы бакалейны набор. Свае паводзіны затрыманая патлумачыла тым, што ў дзяцей дрэнны апетыт.

Намеснік начальніка ўпраўлення аховы правапарадку і прафілактыкі УУС Мінаблвыканкама падпалкоўнік міліцыі Андрэй Амбражэй кажа, што падчас рэйдаў міліцыянты пачынаюць менавіта з пытання пра апетыт. Калі дзеці кажуць, што ў сталовай кормяць не вельмі смачна або ежы не хапае, гэта нагода ўважлівей пазнаёміцца ​​з арганізацыяй харчавання і прыгледзецца да кухонных работнікаў. 

На тэрыторыі Мінскай вобласці сёння працуюць 56 дзіцячых аздараўленчых летнікаў, у якіх адпачываюць больш за 13 тысяч дзяцей. 

"У дзяцей дрэнны апетыт". Загадчыцу склада дзіцячага летніка злавілі на крадзяжы
Фота: uvd-mo.gov.by

Апошнія навіны

Галоўнае

Выбар рэдакцыі