У Чавусах каля 20 чалавек атруціліся ў кавярні
Масавае атручванне адбылося ў кавярні "Ліга". Паводле неафіцыйнай інфармацыі, каля 20 чалавек елі няякасныя прадукты.
Як паведамляе БелаПАН, атручванне адбылося яшчэ 3 чэрвеня. З таго моманту і дагэтуль кавярня зачыненая.
У Магілёўскім абласным цэнтры гігіены і эпідэміялогіі сітуацыю ў Чавусах каментаваць адмовіліся.
Ва ўпраўленні Следчага камітэта па Магілёўскай вобласці кажуць, што крымінальную справу па факце масавага атручвання ў Чавусах пакуль не пачыналі.
Фота — 1tv.ru