У Брэсцкай крэпасці раскапалі замак часоў Рэчы Паспалітай (фота)
Археолагі літаральна з-пад зямлі адкапалі каменны бастыён, дзе, як сцвярджаюць спецыялісты, знаходзіўся гістарычны цэнтр горада XIII стагоддзя.
Як піша абласная газета "Заря", у першыя ж дні раскопак выяўлены фрагмент каменнага збудавання. Ён цалкам мог быць часткай падмурка Брэсцкага замка (пабудаваны ў XVI стагоддзі), які не захаваўся, як і сам горад "дакрэпаснога перыяду".
Папярэднік сучаснага Брэста да XIX стагоддзя размяшчаўся ў раёне мемарыялу. Як вядома, расійскі імператар Мікалай I ў 1834 годзе зацвердзіў палажэнне аб перанясенні горада амаль на тры кіламетры ад месца, на якім ён стаяў з часоў першых пісьмовых згадак.
