У Брэсце затрыманы рэдактар сайта "Першы Рэгіён" Алег Супрунюк
![Алег Супрунюк / 1reg.by](/sites/default/files/styles/gallery_main/public/2023-08/suprunyk_7_07.png.webp?itok=OAhyIIHC)
Алег Супрунюк / 1reg.by
У Брэсце напярэдадні вечарам быў затрыманы рэдактар навін сайта "Першы Рэгіён " Алег Супрунюк, паведамляе выданне са спасылкай на жонку журналіста.
Супрунюка забралі з дому. Міліцыя звяла яго каля 22:30. Пазней жонка даведалася, што журналіст знаходзіцца ў Ленінскім РАУС Брэста, ён затрыманы. Аднак на якой падставе і ў чым яго абвінавачваюць, жанчыне не патлумачылі. Участковы сказаў, што не мае права гаварыць.
Пасля стала вядома, што Алега Супрунюка вінавацяць у "вырабе і распаўсюдзе экстрэмісцкіх матэрыялаў" (арт. 19.11 КаАП) — падрыхтоўцы матэрыялу, фотаздымак у якім раней быў прызнаны экстрэмісцкім.
Раней у сілавікоў ужо ўзнікалі пытанні да рэдакцыі партала. У снежні яны прыходзілі з ператрусам да рэдактара сайта Паўла Дайліда. Ператрус праводзіўся ў межах крымінальнай справы супраць журналіста партала Сяргея Гардзяевіча. Яго падазравалі ў абразе прэзідэнта (арт. 368 КК). Са снежня Гардзяевіч знаходзіўся пад хатнім арыштам. У траўні яму змянілі меру стрымання на падпіску аб нявыездзе. Тым не менш ён застаецца абвінавачаным па справе.
Сайт "Першы Рэгіён" — прыватнае медыя, якое працуе для шэрагу гарадоў Брэсцкай вобласці.
![В Бресте задержан редактор сайта "Першы Рэгіён" Олег Супрунюк](/sites/default/files/paragraphs/image/eks.png)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.