У Браслаўскім раёне маланка часткова разбурыла дом (фота)
![У Браслаўскім раёне маланка часткова разбурыла дом (фота)](/sites/default/files/styles/gallery_main/public/2023-08/imgpsh_fullsize_novyy-razmer.jpg.webp?itok=GePUpmpJ)
У Браслаўскім раёне ў вёсцы Малькі маланка часткова разбурыла дом. Здарэнне адбылося ў аўторак пасля 3-й гадзіны ночы. Як інфармуе прэс-служба МНС Віцебскай вобласці, быў разбураны франтон, разбітыя вокны, пашкоджаная печка, маёмасць. Людзі (53-гадовы гаспадар, яго жонка і сын) самі пакінулі будынак, ніхто не пацярпеў.
Цяпер дом не прыдатны для пражывання. Сям'я была вымушаная часова пераехаць да сваякоў.
У мінулую ноч ўдары маланкі сталі прычынай трох пажараў у Гродзенскай вобласці. У вёсцы Руда Навагрудскага раёна гарэў жылы дом, у Іўеўскім і Шчучынскім раёнах — гаспадарчыя пабудовы.
Фота: mchs.gov.by