У беларускага хакеіста Ягора Шаранговіча першая шайба за "Калгары Флэймз"

У беларускага хакеіста Ягора Шаранговіча першая закінутая шайба за "Калгары Флэймз" (дагэтуль у яго была толькі выніковая перадача). Нападаючы вызначыўся ў прайграным яго камандай хатнім паядынку з "Дэтройтам" — 2:6. Шаранговіч закінуў шайбу ў канцы другога перыяда і скараціў разрыў у ліку. Аднак у далейшым шайбы закідвалі толькі госці.

Ягору Шаранговічу 25 гадоў. Ён гуляе ў НХЛ з 2018 года. Папярэдні клуб — "Нью-Джэрсі", за які ў 205 гульнях закінуў 53 шайбы і столькі ж зрабіў выніковых перадач.