У Беларусі з'явіўся новы патэнцыйны кандыдат у прэзідэнты
bsdg.by
Цэнтральная рада партыі Беларуская сацыял-дэмакратычная Грамада прагаласавала 11 студзеня за вылучэнне кандыдатам у прэзідэнты Беларусі на выбарах 2020 года яе старшыні Сяргея Чэрачня. Пра гэта паведамілі ў БСДГ.
Сяргей Чэрачэнь нарадзіўся ў Крычаве 8 мая 1985 года. Яму пакуль не споўнілася 35 гадоў, але гэта адбудзецца да выбараў, якія пройдуць, хутчэй за ўсё, у жніўні.
Быў чальцом праўладнай Камуністычнай партыі Беларусі са студзеня 2016 га па студзень 2018 года. Затым уступіў у партыю Беларуская сацыял-дэмакратычная Грамада і стаў першым намеснікам Станіслава Шушкевіча. 3 лістапада 2018 года абраны старшынёй БСДГ.
Працуе генеральным дырэктарам групы кампаній DIIN, звестак пра якую ў інтэрнэце практычна няма. На сайце spektr.by, які належыць Сяргею Чэрачню, узгадваецца толькі, што яна займаецца пастаўкамі запчастак да беларускай тэхнікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
