У Беларусі ўпершыню праведзены маніторынг стратаў цеплавой энергіі

У Гомельскай вобласці ўпершыню ў Беларусі праведзены поўны маніторынг стратаў цеплавой энергіі.  Штогод у нашай краіне праводзіцца тэрмарэнавацыя соцень тысяч квадратных метраў жылых дамоў, абнаўляюцца кацельныя і цеплатрасы. Аднак цяпер вырашана вызначыць, куды найперш трэба ўкладаць сродкі, дзе найбольшыя страты і якая іх прычына.

На гэтыя пытанні ў Светлагорску адказалі пры дапамозе ўнікальнага абсталявання, распрацаванага ў Гомельскім інжынерным інстытуце МНС. Месцы ўцечкі цяпла былі вызначаныя з дапамогай сістэмы авіякантролю за 4 гадзіны, былі складзеныя адмысловыя мапы.

Камунальшчыкі сцвярджаюць, што новая сістэма таксама бачыць дэфекты ў будаўніцтве, паведамляе тэлеканал СТВ.