У Беларусі пяты раз за вясну таннее аўтамабільнае паліва
Аўтамабілі ў Мінску / З архіву Еўрарадыё
У Беларусі зноў патаннее на 1 капейку аўтамабільнае паліва. Цэны зменяцца з 4 красавіка, паведамляе "Белнафтахім".
Ад аўторка цэны за літр паліва будуць наступныя:
АІ-92 — 2,31 рубля;
АІ-95 — 2,41 рубля;
АІ-98 – 2,63 рубля;
Дызельнае паліва — 2,41 рубля.
Прычыны змены коштаў на аўтамабільнае паліва "Белнафтахім" ніяк не патлумачыў.
Гэтай вясной аўтамабільнае паліва ў РБ патаннее на 1 капейку пяты раз. Упершыню гэта адбылося 7 сакавіка і ў далейшым цэны змяняліся штотыдзень. Перад гэтым кошты на паліва змяняліся ў нашай краіне ў чэрвені 2022 года, калі яно падаражэла на традыцыйныя 2 капейкі (падаражанне было 18-м за год).
