У Беларусі працягваецца даследчая праверка ў адносінах Сяргея Данкверта
У Беларусі працягваецца даследчая праверка ў адносінах кіраўніка Рассельгаснагляду Сяргея Данкверта. Пра гэта ў сераду паведаміў міністр унутраных спраў Ігар Шуневіч. Паводле яго слоў, прававую ацэнку дасць пасля заканчэння праверкі Следчы камітэт. Шуневіч мяркуе, што на яе спатрэбіцца яшчэ месяц.
Пра тое, што ў адносінах Данкверта пачалі даследчую праверку, стала вядома 7 лютага. МУС паведаміла, што яе праводзяць падраздзяленні па барацьбе з эканамічнымі злачынствамі. Яны высвятляюць, ці прысутнічаюць у дзеяннях кіраўніка Рассельгаснагляду прыкметы злачынстваў, прадугледжаных артыкулам “Дыскрэдытацыя дзелавой рэпутацыі канкурэнта”. Даручэнне міністру ўнутраных спраў Ігару Шуневічу пасадзіць Сяргея Данкверта ў следчы ізалятар 3 лютага падчас “Вялікай размовы з прэзідэнтам” даў Аляксандр Лукашэнка. Кіраўніка дзяржавы абурылі пастаянныя прэтэнзіі Рассельгаснагляду да беларускай прадукцыі і ўвядзенне абмежаванняў на іх пастаўкі ў Расію.
